انا الحاج ياسين
مصرى واترويت من النيل
لكن عندى شكاوى يامة
اقولها لمين واروح لمين
وصفولى بيت العمده
ودونى عند الكبير
بس هناك فية خفر كتير
اكيد عنده ناس مهمين
حاولت اقابله وحلفتلهم انى مها اقايضة
طرودنى الخفر ورمونى بعيد
واتهمونى كمان بالتحريض
انا ولاهى برىء
لكن شكوتى اقولها لمين
قابلت راجل سكر
وندهلى قالى يا حاج ياسين
قول شكوتك انا داخل عند الكبير
واعرف الله محبة
وابدا بسم الرحمن الرحيم
وشكوتك باذن الله قاضية
بدات كلامى وحبة حبة
قلتله يا سيدنا الدنيا غالية
والحالة مايلة
والارض عطشة
والمية فاسده
والكماوى عابوة
والسماد يفسدوة
والارض بايرة
ومفيش محصول
حط ايدة فى جيبة وطلع السبحة
وبعد استغفر الله العظيم
قالى يا ياسين قول
خدت راحتى وقولت يا راجل يا طيب
احنا عايشين على الفول
واللحمة غالية
والحمير ملت البطون
والفراخ صابها انفلونزا الطيور
رد عليا باحسن قول
قالى النمله بيرزقها رب الكون
وللشكوى بقية
No comments:
Post a Comment